Əsas şikayət bankomatın azlığından, pulun yoxluğundandır
Masallıda pensiyaçıların “Kapitalbank” bankomatlarından pul çəkə bilməməsi narazılığa səbəb olub. Bu səbəbdən də sakinlər rayonun mərkəzində yerləşən “Kapitalbank”ın qarşısındakı yolu bağlayıblar. Cenubnews.com-un verdiyi xəbərə görə, əsas narazılıq Masallıda cəmi 3 bankomatın olmasındandır. Sakinlər deyirlər ki, günlərlə aparatın qarşısında növbədə dayanmalı olurlar. Digər tərəfdən də, bankomatlarda lazımı məbləğdə vəsait olmur.
“Xəstəsi olan var, dərman almalıdırlar, pul isə yoxdur” – şikayətçilər bildirib.
Əraziyə polis əməkdaşları cəlb edilib. Bir neçə nəfər saxlanılsa da, sonradan sərbəst buraxıldıqları bildirilir.
Polislər Cenubnews.com-un əməkdaşı Mirələm Həşimovun da çəkiliş etməsinə mane olmağa çalışıblar.
