Aleksandr Lukaşenko

Mənbə: google

Başlıq: Aleksandr Lukaşenko

Lukaşenko Avropa Birliyi ilə daha yaxın münasibətlər qurmaq istəyir

“Belarus sülh və təhlükəsizlik içində birisinin dincələ biləcəyi ölkədir”

Avstriyada səfərdə olan Belarus prezidenti Aleksandr Lukaşenko ölkədəki insan haqları vəziyyətinə toxunub, Avropa Birliyi ilə daha yaxın münasibətlər yaratmaqda maraqlı olduğunu vurğulayıb.

Noyabrın 12-də Vyanada Avstriya prezidenti Aleksander Van der Bellen ilə birgə mətbuat konfransında çıxış edən Lukaşenko ilk dəfədir ki, üç ildən sonra bir Avropa Birliyi ölkəsinə səfər edir. Üç il əvvəl Belarus prezidenti İtaliyaya səfər etmişdi.

Belarusu uzun illərdir idarə edən avtoritar prezidentin tənqidçiləri deyirlər ki, onun hökuməti müxalif və müstəqil mediaya dözümlü deyil.

Belarus ölkədəki zəif insan haqları durumuna və ədalətli seçkilərin keçirilməsinə qoyulan maneələrə görə ABŞ-ın və Avropa İttifaqının sanksiyalarının hədəfi olub. Ancaq bu yaxınlarda hər iki tərəf həm Belarusu, həm də Qərb ölkədə Rusiyanın təsirini azaltmaq üçün əlaqələrin genişləndirilməsinə qərar verib.

Rusiya Belarusun ən böyük ticarət tərəfdaşıdır və kiçik qonşusunun iqtisadiyyatını ucuz enerji ilə inkişaf etdirir.

Mətbuat konfransı zamanı Lukaşenko Avstriyanı Belarus üçün mühüm siyasi və iş ortağı olaraq xarakterizə edib və deyib ki, Vyana onun ölkəsi ilə 28 üzvlü blok arasındakı əlaqələrin normallaşmasına kömək edə bilər.

Belarusdakı insan haqları ilə əlaqədar suala cavabında o deyib: “Belarus sülh və təhlükəsizlik içində birisinin dincələ biləcəyi ölkədir”.

O, belarusluların yaşamaq, ölkədə və xaricdə işləmək və pulsuz təhsil hüququndan istifadə etdiyini də qeyd edib.

Keçən il Belarusa səfər edən Van der Bellen deyib ki, o, Minsk ilə Avropa İttifaqı arasında “müəyyən yaxınlaşma” görür, eyni zamanda o, Belarusda edam cəzasına qəti şəkildə qarşı olduğunu bildirib.

Lukaşenko ölüm hökmünün 1996-cı il referendumunda təsdiqləndiyini deyib.

İllərdir Avropa İttifaqı Belarusu ölüm hökmünə moratorium elan etmək üçün digər ölkələrə qoşulmağa çağırıb.

Hüquq təşkilatlarının məlumatına görə, 1991-ci ildə Sovet İttifaqının dağılmasından sonra müstəqillik qazanmış Belarusda o zamandan etibarən 400-ə yaxın insan edam cəzasına məhkum edilib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/9fvylc

Ən çox baxılan