Müdafiə Nazirliyi hadisə ilə bağlı məlumat yayıb
İyunun 28-də günorta saatlarında Laçın rayonu ərazisində yol-nəqliyyat hadisəsi baş verib.
Bu barədə APA-ya Müdafiə Nazirliyi məlumat verib.
Bildirilir ki, “KamAZ” markalı hərbi yük avtomobilinin qəzaya uğraması nəticəsində Azərbaycan Ordusunun müddətdən artıq həqiqi hərbi xidmət hərbi qulluqçuları – kiçik çavuş Zeynallı Coşqun Çingiz oğlu və əsgər Rəhimli Orxan Elxan oğlu həlak olub.
Faktla əlaqədar cinayət işinin açıldığı, araşdırma aparıldığı bildirilir.
