Mənbə: @viktarbabarykaofficial

Kolesnikova: Məni hədələyiblər, başıma kisə keçiriblər

Məqalə yeniləndi:  11 Sentyabr 2020

Məqalə Euroradio saytında dərc olunub.

Mariya Kolesnikova, Əlaqələndirmə Şurasının rəyasət heyətinin üzvü vəkili vasitəsilə İstintaq Komitəsinə ərizə ilə müraciət edib. Onu sentyabrın 7-də səhər saatlarında Minskin mərkəzində tutublar. Müxalif siyasətçi hazırda 1 saylı istintaq təcridxanasındadır. Ona “hakimiyyəti ələ keçirmə cəhdi” maddəsi ilə cinayət işi açılıb. Kolesnikova ərizəsində naməlum şəxslər tərəfindən oğurlanandan sonra başına gələnlər haqda danışıb. Belə ki, siyasətçiyə psixoloji təzyiq göstəriblər, hədə-qorxu gəliblər, zorla Ukraynaya göndərməyə çalışıblar. O, təzyiq göstərən adamların adlarını və vəzifələrini sadalayır. Siyasətçinin dediyinə görə, bu şəxslər DTK və DİN-in Mütəşəkkil Cinayətkarlıqla və Korrupsiya ilə Mübarizə Baş İdarəsinin əməkdaşlarıdır. Kolesnikova insan oğurladıqları, qeyri-qanuni yolla azadlıqdan məhrum etdikləri və hədə-qorxu gəldikləri üçün həmin adamlara qarşı cinayət işi açılmasını tələb edir.

Mariya Kolesnikovanın ərizəsindən sitatlar babariko-vision saytında yerləşdirilib. “O cümlədən söyləyirdilər ki, əgər Belarus Respublikasını könüllü şəkildə tərk etmərəmsə, məni onsuz da ya diri, ya da hissə-hissə burdan çıxaracaqlar”, – siyasətçi yazır. – “Üstəlik deyirdilər ki, məni 25 il azadlıqdan məhrum edəcəklər, keşikçi nəzarətində qaldığım məhbəslərdə problemlər yaradacaqlar ki, mən də bunu gerçək kimi qəbul edirdim”.

Kolesnikova yazır ki, DTK-da onun başına kisə keçiriblər, mikroavtobusa mindiriblər və Belarus-Ukrayna sərhədinə gətiriblər. O tədiqləyir ki, orda pasportunu cırıb. Siyasətçini bundan sonra Mozırski sərhəd dəstəsinə gətiriblər, o, sentyabrın 8-i axşamadək burda qalıb. Kolesnikovanı daha sonra paytaxta aparıblar.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  11 Sentyabr 2020
Bölmələr:  
qısa linklər:   http://mtv.re/lqd9sk

Ən çox baxılan