Erməni müstəntiqlər əvvəllər ölkənin konstitusiya sistemini pozmaqda ittiham olunan keçmiş prezident Robert Köçəryana qarşı yeni rüşvət iddiası irəli sürüblər.
Yeni ittiham iş adamı Silva Hambartsumyanın Ermənistanda bir nazirə rüşvət vermək məcburiyyətində qaldığı iddialarından qaynaqlanır. Bu barədə fevralın 12-də Koçaryanın vəkili Aram Orbeliyan Azadlıq Radiosuna bildirib.
Vəkil daha ətraflı məlumat verməyib.
Hambartsumyan ötən ilin oktyabrında Azadlıq Radiosuna bildirib ki, o, 2008-ci ildə ətraf mühit naziri Aram Harutyunyana 14 milyon dollar rüşvət ödəməli olub.
Yanvar ayında İrəvan məhkəməsi Harutyunyanın həbsinə hökm verib, lakin onun hazırda harada olduğu bilinmir.
Köçəryan ilk olaraq iyul ayında onun 1998-2008-ci il hakimiyyətinin son həftələrində müxalif etiraçılara qarşı güc istifadə etdiyi iddialarıyla həbs edilmişdi.
Onun həbsi keçmiş müxalifət lideri Nikol Paşinyanın ötən il ölkədəki genişmiqyaslı etiraz aksiyalarından, mayda Baş nazir seçilməsindən sonraya təsadüf edir. Paşinyanın hakimiyyəti Ermənistanda uzun müddətdir davam edən Köçəryan hakimiyyətinə ciddi zərbə kimi dəyərləndirilir.
Köçəryan 2008-ci ilin fevral ayında keçirilən mübahisəli prezident seçkilərinə etiraz edən müxalifət nümayəndələrinə qarşı qanunsuz güc tətbiq etməyə görə ittiham edilir.
2008-ci il martın 1-2-də nümayişçilərlə təhlükəsizlik qüvvələri arasında toqquşma baş verdikdə səkkiz etirazçı və iki polis əməkdaşı həlak olub.
Köçəryan bu ittihamları rədd edir, bildirir ki, Ermənistanın hazırkı hökuməti ona qarşı siyasi “vendetta” tətbiq edir.
64 yaşlı Köçəryan avqustun 13-də apelyasiya məhkəməsi tərəfindən konstitusiyanın ona verdiyi toxunulmazlıq hüququyla sərbəst buraxılmışdı.
Köçəryan azadlığa çıxdıqdan sonra siyasətə qayıdacağını elan etmişdir. Lakin 9 dekabr parlament seçkilərində iştirak etməməklə Paşinyanın hakimiyyətini daha da möhkəmləndirmiş oldu.
Məhkəmə seçkilərdən iki gün əvvəl Köçəryanın həbsxanada saxlanmasını bərpa etdi və o zamandan etibarən o həbsdədir
Onun avqust ayında ilk dəfə azadlığa çıxmasından bəri Köçəryan dəfələrlə Paşinyan hökumətini ölkənin milli təhlükəsizliyinə risk yaratmaqla, Rusiya ilə münasibətləri pozmaqla və yeni hökumətin iqtisadi proqramının olmamasıyla ittiham edir.
Paşinyan 17 avqustda Köçəryana qarşı cinayət ittihamlarını müdafiə edib və deyib ki, “bütün qatillər həbsxanaya gedəcək”.
