Xaləddin İsgəndərovun oğlunun Fazil Məmmədova bağlı holdinqdə çalışacağı bildirilir
“Synergy Group” MMC-nin direktoru Rauf Axundov vəzifəsindən azad edilib.
Bu barədə “Report” xəbər verib.
Məlumata görə, holdinqə rəhbərlik Elnur İsgəndərova həvalə olunub.
“Synergy Group” 2010-cu ildə yaradılıb, Azərbaycanda qeyri-neft sektorunda fəaliyyət göstərən ən iri özəl holdinqlərdən biridir.
Onun nizamnamə kapitalı 50 milyon manatdır.
Kommersiya qurumu keçmiş vergilər naziri Fazil Məmmədova bağlılığı ilə tanınır.
E.İsgəndərov isə F.Məmmədovla yaxın olan Binəqədi Rayon İcra Hakimiyyətinin sabiq başçısı Xaləddin İsgəndərovun oğludur.
