Bidzina İvanişvili

Mənbə: google.az

Başlıq: Bidzina İvanişvili

İvanişvili siyasətdən getdiyini açıqladı

Məqalə yeniləndi:  11 Yanvar 2021

Sabiq Baş nazir: “Mənim missiyam başa çatıb"

“Mənim missiyam başa çatıb və ona görə siyasətdən getmək haqda qərar qəbul etdim”.

Bu açıqlamanı “Gürcü Arzusu - Demokratik Gürcüstan” Partiyasının sədri Bidzina İvanişvili məktubunda yazıb.

Bidzina İvanişvili hazırkı siyasi komandanı bütün mənalarda ən yaxşı və alternativsiz adlandırıb: “Əminəm ki, insanlarla işləyən komandam səlahiyyətlərimi və bacarıqlarımı kifayət qədər əvəz edə biləcək”.

O bildirib ki, “Gürcü Arzusu”nun seçki uğurları obyektiv təhlil edilsə, şişirtmədən gözlənilən və məntiqli olduğunu söyləmək olar: “Buna görə də missiyam yerinə yetirilib. Siyasətdən tamamilə çəkilmək və özümü hakimiyyətin cilovundan tamamilə uzaqlaşdırmaq qərarı verdim. Mən partiyanın sədri kimi də postumu tərk edirəm, həm də partiyanı. Bununla da 2011-ci ilə qədərki şəxsi həyat tərzimə qayıdacağam”.

Bidzina İvanişvili 2012-ci ildə “Gürcü Arzusu” partiyasını təsis edib.

O, 2012-13-cü illərdə Gürcüstanın Baş naziri olub.

Gürcüstanın ən zəngin adamlarından olan B.İvanişvili 4,8 milyard dollar sərvətə malikdir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  11 Yanvar 2021
Bölmələr:  
qısa linklər:   http://mtv.re/z9787e

Ən çox baxılan