2017-ci ilin dövlət büdcəsindən idman obyektlərinin tikintisinə 330 milyon 300 min manat ayrılması nəzərdə tutulub
“IV İslam Həmrəylik Oyunları və “Formula-1” üzrə Avropa Qran-pri yarışlarına hazırlıq gedir”, – APA yazır ki, bunu gənclər və idman naziri Azad Rəhimov deyib.
Nazir qeyd edib ki, hazırlıq işləri ilə bağlı heç bir problem yoxdur: “Bütün işlər nəzərdə tutulan vaxtda başa çatdırılacaq”.
IV İslam Həmrəylik Oyunları və “Formula-1” üzrə Avropa Qran-pri yarışları 2017-ci ildə Bakıda keçiriləcək.
2017-ci ilin dövlət büdcəsindən idman obyektlərinin tikintisinə 330 milyon 300 min manat ayrılması nəzərdə tutulub.
Sabiq deputat, iqtisadçı Nazim Bəydəmirli Meydan TV-yə demişdi ki, həmin vəsaitləri işsizliyin qarşısını almaq, iqtisadi böhranın fəsadlarını azaltmaq üçün, o cümlədən, səhiyyə və təhsilə ayrılsa, daha məqsədəuyğun olar.
