O, dünyanın ən yaşlı prezidenti sayılırdı
İsrailin iki həftə əvvəl insult keçirmiş sabiq prezidenti və baş naziri Şimon Peres 93 yaşında vəfat edib.
Məlumatı euronews yayıb.
Şimon Peres beyninə qan sızmasından sonra xəstəxanaya yerləşdirilmişdi, həkimlər onun vəziyyətini ağır, lakin stabil qiymətləndirirdilər. Prezident ailə üzvlərinin ətrafında vəfat edib.
1923-cü ildə Polşada doğulan Şimon Peresin karyerasının 70 ili bütün ali siyasi vəzifələrdə keçib, üç il baş nazir işləyib, xarici işlər və maliyyə naziri vəzifələrində çalışıb. 1994-cü ildə Fələstin ilə müvəqqəti sülh sazişinə nail olduğuna görə Nobel sülh mükafatına layiq görülüb.
O, 2014-cü ildə vəzifəsindən gedəndə dünyanın ən yaşlı prezidenti sayılırdı.
