İsrail ərəb diplomatı Azərbaycana səfir təyin edib

 Corc Dik

Corc Dik

İsrail öz tarixində ilkə imza atıb

İsrail Xarici İşlər Nazirliyi xristian-ərəb olan Corc Diki Azərbaycana yeni səfir təyin edib.

“Turan” agentliyinin məlumatına görə, C.Dik 10 ildir XİN sistemində fəaliyyət göstərir və İsrailin xarici ölkələrdə səfirliyinə rəhbərlik edəcək ərəb milliyətindən olan ilk diplomatıdır.

C.Dik, həmçinin XİN-ə işə qəbul edilən ilk xristian-ərəb olub.

O, Yaffada anadan olub. Beynəlxalq hüquq üzrə mütəxəssisdir. Təhsilini İsraildə alıb, sonradan ABŞ-da təcrübə praktikasını keçib.

Bundan əvvəl İsrailin Norveç və Nigeriyada diplomatik nümayəndəliklərində işləyib.

İsrail XİN bəyan edib ki, C.Dik istedadlı diplomatdır və ümid etdiklərini bildiriblər ki, o, İsrailin Azərbaycanda maraqlarını lazımınca qoruyacaq.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/dej3pe

Ən çox baxılan