Leysan yağışlarının davam edəcəyi bildirilir
İspaniyada güclü yağış və tufan nəticəsində yaranan daşqın qurbanlarının sayı 205 nəfərə çatıb.
Onların əksəriyyətinin Valensiya sakinləri olduğu bildirilir.
Dövlət rəsmilərinin məlumatına görə, Kastiliya-La Mançada 2, Əndəlüsdə isə 1 nəfər daşqınların qurbanı olub.
İspaniyanın cənub-qərbində, Əndəlüsün Huelva bölgəsində son saatlarda leysan yağışları yağır.
Cartaya şəhərinə isə artıq gecə yarısından bəri 127 mm-dən çox yağıntı düşüb.
Bu, təxminən iki aya bərabər olan yağıntıdır.
Bölgədə qırmızı xəbərdarlıq elan edilib.
Şərqə doğru – Valensiya, Kataloniyanın cənubu və bütün Balear adalarını – narıncı yağış xəbərdarlığı əhatə edir.
Bildirilir ki, burada tufanlar növbəti günə qədər yavaş-yavaş azalacaq, lakin leysan yağışları davam edəcək.
