Bağdadi Suriyanın şimal-qərbində yerləşən İdlibdə öldürülüb
İslam Dövləti (İŞİD) cümə axşamı günü silahlı qrupun lideri Əbu Bəkr əl-Bağdadinin öldürüldüyünü təsdiqləyib, – “Reuters” xəbər verir.
Bazar günü prezident Donald Tramp bəyan etmişdi ki, İslam Dövlətinin lideri olaraq bütün müsəlmanların xəlifəsi elan edilmiş iraqlı cihadçı Bağdadi şimal-şərqi Suriyada ABŞ xüsusi təyinatlıları tərəfindən öldürülüb.
Qrup indiyə qədər səssiz qalıb. Xələf olaraq İslam Dövləti Amaqın Əbu İbrahim əl-Haşimi əl-Quraişi olaraq identifikasiya etdiyi birini təyin edib.
Swansea Universitetinin İslam Dövləti üzrə tədqiqatçısı Aymenn əl-Tamimi deyib ki, Bağdadidən sonrakı isim qeyri-müəyyəndir, lakin ABŞ Dövlət Departamentinin təxmininə görə Bağdadinin mümkün varisi onun təyin etdiyi Həcc Abdullah adlı şəxs ola bilər.
“Bu, bəlkə də yeni adla qarşımıza çıxacaq bizim tanıdığımız biri ola bilər,” – o deyib.
2014 və 2017-ci illər arasında İraq və Suriyanın ərazilərini nəzarətdə saxlayan və əksər müsəlmanları dəhşətə gətirən vəhşiliklər həyata keçirən qrup həmçinin sözcü Əbu əl-Həsən əl-Muhajirin də öldüyünü təsdiqləyib.
Bağdadi Suriyanın şimal-qərbində yerləşən İdlibdə öldürülüb.
ABŞ rəsmilərinin verdiyi məlumata görə, Bağdadi özünü və üç övladını tuneldə ABŞ xüsusi təyinatlılarının Suriyada keçirdiyi əməliyyat zamanı partladaraq öldürüb.
