Mənbə: Google

İran təyyarəni səhvən vurduğunu bildirib

Bildirilir ki, təyyarə səhvən düşmən hədəfi olaraq qəbul olunub

İran “Ukrayna Beynəlxalq Hava Yolları”na məxsus “Boeing 737-800” tipli sərnişin təyyarəsini səhvən vurduğunu açıqlayıb. Bu barədə İranın Xarici işlər naziri Məhəmməd Cavad Zərif də öz “Twitter” hesabında yazıb.

AP-nin məlumatına görəsə İranın hərbi rəhbərliyi dövlət televiziyası vasitəsilə bunu etiraf edib. Bildirilib ki, İraq ərazisində ABŞ hərbçilərinin yerləşdiyi bazaya ballistik raket atdıqdan bir neçə saat sonra Ukrayna sərnişin təyyarəsini bilmədən vurulduğu məlum olub:

“Sərnişin təyyarəsi İran İslam İnqilabı Keşikçiləri Korpusuna (SEPAH) məxsus həssas hərbi mərkəzə doğru döndükdən sonra səhvən düşmən hədəfi olaraq qəbul olunub”.

O da qeyd olunub ki, ABŞ-la aralarındakı gərginlik üzündən yüksək hərbi hazırlıq vəziyyətdədirlər.

Yanvarın 8-də Tehranın İmam Xomeyni Beynəlxalq Hava Limanından qalxaraq Kiyev şəhərinə istiqamət götürən təyyarənin partlaması nəticəsində 9 nəfər heyət üzvü və 167 sərnişin həlak olub. Sərnişinlərin 82-si İran, 63-ü Kanada, 11-i Ukrayna, 10-u İsveç, 4-ü Əfqanıstan, 3-ü Almaniya, 3-ü isə Böyük Britaniya vətəndaşıdır.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/uw6p8a

Ən çox baxılan