“Qardaşıma dedilər ki, 1-2 günə onu da dindirəcəklər”
Həbsdə olan hüquq müdafiəçisi İntiqam Əliyevin qızı Nərmin Əliyeva sentyabrın 23-də Baş Prokurorluqda dindirilib.
Azadlıq Radiosuna dindirilməsi barədə məlumat verən Nərmin Əliyevanın dediyinə görə, o, şahid qismində ifadə verib:
“Qardaşımı və məni çağırmışdılar, ancaq məni dindirdilər. Qardaşıma dedilər ki, 1-2 günə onu da dindirəcəklər. Mən İntiqam Əliyev və digər QHT rəhbərlərinin işi ilə bağlı dindirildim. Suallara cavab verdim. İstintaq sirri olduğundan geniş məlumat verə bilmirəm”,- deyə Nərmin Əliyeva bildirib.
Hüquq müdafiəçisi İntiqam Əliyev avqustun 8-də həbs edilib. O, qanunsuz sahibkarlıq, vergidənyayınma və vəzifə səlahiyyətlərini aşmada ittiham olunur.
Nəsimi rayon Məhkəməsi onun barəsində 3 aylıq həbs qərarı verib.
“Amnesty International” onu «vicdan məhbusu» hesab edir.
