Vaqif Sadıqov, Xəzər İbrahim, Fuad İsgəndərov və Cavanşir Axundov

Mənbə: Meydan.TV

Başlıq: Vaqif Sadıqov, Xəzər İbrahim, Fuad İsgəndərov və Cavanşir Axundov

İlham Əliyev bir neçə səfiri geri çağırıb (yenilənib)

Məqalə yeniləndi:  26 İyul 2021

15.10. Elin Süleymanov Azərbaycanın ABŞ-dakı səfiri vəzifəsindən azad olunaraq Böyük Britaniya və Şimali İrlandiya Birləşmiş Krallığında fövqəladə və səlahiyyətli səfiri təyin edilib.

Bu barədə dövlət başçısı sərəncam imzalayıb.

E.Süleymanov 2011-ci ildən Azərbaycanı Vaşinqtonda təmsil edirdi.

Onun yerinə Azərbaycanın Türkiyədə səfiri olmuş Xəzər İbrahim təyin olunub.

***

Ölkə başçısı onların yerinə yeni səfirlər təyin edib

Azərbaycanın BMT-nin Cenevrə şəhərindəki bölməsində və digər beynəlxalq təşkilatlar yanında daimi nümayəndəsi Vaqif Sadıqov geri çağrılıb.

Onun yerinə Qalib İsrafilov təyin olunub.

Bu barədə dövlət başçısı İlham Əliyev iyulun 26-da sərəncam imzalayıb.

Prezidentin digərsərəncamı ilə Vaqif Sadıqov Azərbaycanın Belçika Krallığında fövqəladə və səlahiyyətli səfiri təyin edilib.

Vaqif Sadıqov 2016-cı ildən Azərbaycanı BMT-də təmsil edirdi.

O, 2004-2010-cu illərdə Azərbaycanın Xarici işlər nazirinin müavini və İtaliyada səfir vəzifələrini daşıyıb.

Onun yerinə təyin olunan Qalib İsrafilovu 2011-2021-ci illərdə Avstriyada, Sloveniyada və Slovakiyada səfir vəzifəsində çalışıb.

Dövlət başçısı 2012-ci ildən Azərbaycanın Belçika Krallığında, Lüksemburq Böyük Hersoqluğunda fövqəladə və səlahiyyətli səfiri və eyni zamanda, Avropa İttifaqı yanında Nümayəndəliyinin başçısı vəzifələrində çalışan Fuad İsgəndərovu da geri çağıran sərəncam imzlayıb. Fuad İsgəndərov İsveçrə Konfederasiyasında fövqəladə və səlahiyyətli səfiri təyin edilib.

Bundan əlavə 2017-ci ildən Azərbaycanın Türkiyədə fövqəladə və səlahiyyətli səfiri vəzifəsini daşıyan Xəzər İbrahimin də geri çağrılması barədə sərəncam imzalanıb.

Onu bu vəzifədə Azərbaycanın Qazaxıstanda səfiri olmuş Rəşad Məmmədov əvəz edəcək.

Eyni zamanda, BDU-nun sabiq rektoru Abel Məhərrəmovun oğlu Anar Məhərrəmovun Azərbaycanın Estoniya Respublikasında fövqəladə və səlahiyyətli səfiri təyin edilməsi barədə sərəncam imzalanıb.

A.Məhərrəmov bu ilin 19 aprel tarixində Azərbaycanın İspaniyadada səfiri vəzifəsindən geri çağrılmışdı.

Sərəncamdan əvvəl mətbuatda Anar Məhərrəmovun İspaniyada şərab biznesiylə məşğul olması, hətta Madriddən Bakıya konkret restoranlara şərablar göndərilməsi barədə məlumatlar yayılmışdı.

Bu barədə məlumatlar paylaşdığı üçün Abel Məhərrəmov Meydan TV-dən Xarici İşlər Nazirliyinə şikayət də etmişdi.

Dövlət başçısının digər sərəncamları ilə Cavanşir Axundov Azərbaycanın Latviya Respublikasında fövqəladə və səlahiyyətli səfiri vəzifəsindən geri çağrılıb, onun yerinə isə Elnur Sultanov təyin edilib. C.Axundov 2016-cı ilin martından Azərbaycanı Latviyada təmsil edirdi.

Elnur Sultanov 2015-cü ildən Azərbaycanı Trinidad və Tobaqoda təmsil edib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  26 İyul 2021
Bölmələr:  
qısa linklər:   http://mtv.re/5rro6y

Ən çox baxılan