"İlham Əliyev Azərbaycan xalqından nə istəyir?"

Bloger Mehman Hüseynov aclıq aksiyasının 13-cü günündədir. Bir sıra vətəndaşlar da ona dəstək olaraq aclıq edirlər. Aksiyaya qoşulanlar Musavat Partiyasının qərargahına toplaşırlar. “Hamı bilir ki siyahi məhbuslarımız şərlənib tutulub. Günahsızdırlar. Biz də aksiyaya qoşulmaqla, göstəririk ki, onların yanındayıq”.

Aksiyaya ilk başlayan Tofiq Məmmədli 6 gündür ki, acdır. Bloger Mehman Hüseynov 2017-ci ilin martında Nəsimi Rayon Polis İdarəsinin rəisinin qaldırdığı böhtan iddiası ilə 2 il azadlıqdan məhrum edilib. Azadlığa çıxmasına 2 ay qalmışkən, ona qarşı yeni ittiham irəli sürülüb. İddiaya görə, o, ədliyyə leytenantına xəsarət yetirib, otağın əşyalarını dağıdıb, üstündə qanunsuz pul saxlayıb. “Şərlənib tutulan adamı ikinci dəfə şərləyirlər. Həm də bu dəfə daha ağır maddə ilə. Bu nə acımasızlıqdır? İlham Əliyev Azərbaycan xalqından nə istəyir? Bu qədər oğurlayıb, talayıb. Milyardları xaricə köçürüb. Ölkəni özəlləşdirib. Bu qədər dərinliyə niyə gedir axı?!-Müsavat partiyasının Divan üzvü Tofiq Yaqublu deyir.

Qərargahda keçirilən aclıq aksiyasına indiyədək 9 nəfər qoşulub. 2 gündür ki, halı pisləşənlərə təcili tibbi yardım çağırılır. Aclıqdan səhhəti pisləşənləri yeniləri əvəz edir. Atası Rafiq Hüseynov deyir ki, Mehman aclıq aksiyasını davam etdirir. Mehman Hüseynov həbsini siyasi sifariş sayır

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/9zukl5

Ən çox baxılan