Mənbə: Meydan.TV

İki nəfərin ölümünə səbəb olan qəzanı törətməkdə ittiham olunan polis serjantı bəraət alıb

Bakı Ağır Cinayətlər Məhkəməsində iki nəfərin ölümünə səbəb olmaqda ittiham edilən polis serjantı Xəyal Məmmədovun məhkəmə bitib.

“Bakupost” saytının məlumatına görə, hakim Mirzə Xankişiyevin sədrliyi ilə keçirilən prosesdə X.Məmmədova bəraət verilib və o, məhkəmə zalından azadlığa buraxılıb.

Hadisə ötən il iyunun 12-də Bakının Binəqədi qəsəbəsində baş verib. “ ” markalı avtomobillə “Ford” markalı avtomobil toqquşub. Qəza nəticəsində “Ford”un sürücüsü Orxan Orucov və sərnişini Rahib Əliyev ölüb.

Qəza baş verən zaman “Range Rover”in sükanı arxasında olan Abşeron Rayon Polis İdarəsinin əməkdaşı, polis serjantı Xəyal Məmmədov saxlanılıb və məhkəmənin qərarı ilə barəsində həbs qətimkan tədbiri seçilib. Ona Cinayət Məcəlləsinin 263.3-cü (yol hərəkəti və nəqliyyat vasitələrinin istismarı qaydalarını pozma - iki və daha çox şəxsin ölümünə səbəb olduqda) maddəsi ilə ittiham verilib.

Təqsirləndirilən şəxs məhkəmədə verdiyi ifadədə uzun müddət sabiq daxili işlər naziri Ramil Usubovun cangüdəni olduğunu bildirib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/sbzjnz

Ən çox baxılan