Nizaməddin Quliyev

Mənbə: google.az

Başlıq: Nizaməddin Quliyev

İcra başçısı və müavininin həbs müddəti uzadıldı

Məqalə yeniləndi:  10 İyul 2020

Səbail Rayon Məhkəməsi qərar çıxarıb

Ağstafa və Goranboy rayonlarının keçmiş icra başçısı Nizaməddin Quliyev haqqında həbs-qətimkan tədbirinin müddəti daha 3 ay uzadılıb. İyulun 10-da Səbail Rayon Məhkəməsində hakim Rəna Qafarova bu barədə qərar çıxarıb.

N.Quliyevlə yanaşı, Ağstafa Rayon İcra Hakimiyyəti başçısının birinci müavini olmuş Ramiz Tatarov haqqında da eyni qərar verilib. O, N.Quliyevlə birlikdə ötən ilin dekabrında Dövlət Təhlükəsizliyi Xidməti (DTX) əməkdaşlarının keçirdiyi əməliyyat zamanı həbs olunmuşdu.

DTX-nın müxtəlif icra hakimiyyətlərində həyata keçirdiyi həbs dalğası 2019-cu ilin dekabrında Ağstafa Rayon İcra Hakimiyyətindən başlamışdı.

N.Quliyev və R.Tatarov, eləcə də onlardan sonra həbs olunan Yevlax, Neftçala, Biləsuvar və İmişli rayonlarının sabiq icra başçıları, Mədəniyyət və Turizm Nazirliyinin, Dövlət Sərhəd Xidmətinin və Xarici İşlər Nazirliyinin vəzifəli şəxsləri DTX-nın istintaq təcridxanasında saxlanılır.

Onların barəsində ibtidai istintaq da DTX-nın İstintaq Baş İdarəsində aparılır.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  10 İyul 2020
Bölmələr:  
qısa linklər:   http://mtv.re/glw475

Ən çox baxılan