Bu gün, oktyabrın 31-də Səbail Rayon Məhkəməsində “Hürriyyət” qəzeti, “Hurriyyet.az” saytı və “Hurriyyet TV”-nin baş redaktoru Vüqar Məmmədovun məhkəməsi keçirilib.
Məhkəməyə hakim Ülviyyə Şükürova sədrlik edib.
Prosesdə hakimin qərarı ilə Vüqar Məmmədov barəsində 3 ay 13 gün müddətinə həbs qətimkan tədbiri seçilib.
O, Cinayət Məcəlləsinin 182-ci (hədə qorxu ilə tələb etmə) maddəsi ilə ittiham olunur.
Oktyabrın 30-da Dövlət Təhlükəsizliyi Xidməti (DTX) “Hürriyyət” qəzeti, eyniadlı “Hurriyyet.az” saytı və “Hurriyyet TV”-nin redaksiyalarında əməliyyat keçirib, baş redaktor Vüqar Məmmədovu saxlayıb.
Vüqar Məmmədov Azərbaycan Demokrat Partiyasının sədri Sərdar Cəlaloğlunun və xaricdə yaşayan hüquqşünas, “AzerFreedom TV”-nin rəhbəri Qurban Məmmədovun bacısı oğludur.
