”Huawei” telefonları üçün ”Android” yeniləmələri məhdudlaşdırılıb

Bu vəziyyət “Huawei”-nin Çinin xaricində smartfon əməliyyatlarına təsir edəcək

Source: Meydan TV
”Huawei” telefonlarında Android əməliyyat sistemi yenilənməyəcək


Bu vəziyyət “Huawei”-nin Çinin xaricində smartfon əməliyyatlarına təsir edəcək

ABŞ prezidenti Donald Trampın milli təhlükəsizliyə təhlükə təşkil edən xarici telekommunikasiya şirkətlərinin Amerika firmalarının texnologiyalarından istifadəsinə qadağa qoymasından sonra Google Çin şirkəti “Huawei” ilə razılaşmasını məhdudlaşdırıb, – BBC xəbər verir.

“Google”-a aid “Alphabet İnc.” “Huawei” ilə xidmət müqaviləsini daraltdığını açıqlayıb.

“Alphabet”-in verdiyi qərarın nəticəsi olaraq bundan sonrakı “Huawei” telefonlarında “Google”-a aid “Android” əməliyyat sistemi yenilənməyəcək.

“Google” tərəfindən qəbul edilən qərar hazırda “Huawei” telefonu istifadə edən insanlara təsir etməyəcək, ancaq “Android” əməliyyat sistemi yenilənərsə, “Huawei” istifadəçilərinin yeni sistemə çıxışı olmayacaq.

“Google”-ın virtual tətbiqi mağazası “Google Play”, e-poçt xidməti, “Gmail” və ya “YouTube” proqramları “Android” yeniləməsindən sonra “Huawei” telefonlarında işləməyəcəyi qeyd edilir.

“Huawei” istifadəçiləri ancaq “Android” əməliyyat sisteminin açıq mənbə nüsxələrini yükləyərək istifadəyə davam edə biləcəklər.

İstehlakçı texnologiyaları şirkəti "Ben Wood" deyib ki, “Google”-ın qərarının “Huawei” istifadəçiləri üzərində ciddi təsiri olacaq.

“Reuters”-ə danışan bir qaynaq “Huawei”-nin yalnız “Android” əməliyyat sisteminin ictimaiyyətə açıq olan xidmətlərini istifadə etməyə davam edə biləcəyini, digər xidmətlərə çıxışın dayandırılacağını söyləyib.

“Alphabet” açıqlamasında deyib ki, onlar Amerika hökumətinin qərarlarına əməl edirlər.

Qeyd edilir ki, bu vəziyyət “Huawei”-nin Çinin xaricində smartfon əməliyyatlarına təsir edəcək.

“Huawei” isə son bir neçə ildir “Android” sisteminin istifadəsinin dayandırılması durumunda öz sistemlərini tətbiq etmək üçün yeni bir texnologiya üzərində çalışdıqlarını açıqlayıb. Çində artıq istifadə edilən bəzi modellərin bu proqrama uyğun texnologiyadan istifadə etdiyi bildirilir.

“Huawei” dünyanın “Android” inkişafına böyük töhfələr verib. “Android”in əsas tərəfdaşlarından biri olaraq, biz həm də istehlakçılar üçün və birbaşa sənaye üçün zəruri olan ekosistemi inkişaf etdirmək üçün açıq platforma ilə işləyirik”.

Bu barədə “Report”un sorğusuna cavab olaraq “Huawei Azərbaycan” şirkətindən məlumat

verilib.

Məlumatda deyilir ki, “Huawei” bütün mövcud “Huawei” və “Honor” smartfon və tabletləri üçün təhlükəsizlik sistemlərinə və satış sonrası xidmətlərə dair yenilikləri təmin etməyə davam edəcək:

“Dünyada “Huawei” istifadəçiləri üçün daha yaxşı istifadə təcrübəsini təmin etmək üçün təhlükəsiz və davamlı proqram təminatı ekosistemi yaratmağa davam edəcəyik”.

Ana səhifəDünya”Huawei” telefonları üçün ”Android” yeniləmələri məhdudlaşdırılıb