Ekspertlər bunu müvəqqəti sayır
Aprelin 6-da Azərbaycan Mərkəzi Bankında (AMB) Dövlət Neft Fondunun da iştirakı ilə növbəti hərrac keçirilib.
AMB-nin məlumatına görə, hərracda manatın orta çəkili məzənnəsi 1.7031 səviyyəsində formalaşıb.
Bu gün 1 ABŞ dolları 1.7140 manatdır.
İki gün əvvəl keçirilən son hərraclarda isə 1 dollar 1.7244 manat olmuşdu.
Son iki hərracda manat dollar qarşısında dəyər qazanır. Ekspertlər bunun müvəqqəti xarakter daşıdığını deyirlər.
Yanvarın 12-dən valyuta hərracı yeni formatda keçirilir. İndi qiymətləri bankların müəyyən etdiyi bildirilir. Prosesin dolların alışı üzrə ən yüksək qiymətdən aşağı qiymətə doğru təmin olunduğu qeyd edilir.
