Sərhədi pozan Tərtər rayonunun sakini Etibar Yadigarov

Mənbə: Foto: DSX

Başlıq: Sərhədi pozan Tərtər rayonunun sakini Etibar Yadigarov

Hərbi qulluqçu sərhəd pozuçusunu yaxalayarkən xəsarət alıb

Məqalə yeniləndi:  14 Oktyabr 2019

“Hadisə yerindən narkotik maddələr tapılıb”

Dövlət Sərhəd Xidmətinin (DSX) hərbi qulluqçusu sərhəd pozuçusunu yaxalayarkən xəsarət alıb.

Məlumatı DSX yayıb.

Hadisə oktyabrın 12-də saat 13:20 radələrində “Horadiz” sərhəd dəstəsinin Füzuli rayonunun Bala Bəhmənli kəndi yaxınlığında baş verib.

“Sərhəd naryadı tərəfindən 1 nəfər naməlum şəxsin İran İslam Respublikasından Azərbaycan Respublikası istiqamətində dövlət sərhədini pozması müşahidə olunub. Axtarış nəticəsində qamışlıqda gizlənmiş 1 nəfər sərhəd pozucusu saxlanılıb. Sərhədi pozan Tərtər rayonunun sakini 1990-cı il təvəllüdlü Yadigarov Etibar Əvəz oğlu yaxalanarkən sərhəd naryadına müqavimət göstərib, üzərində olan soyuq silahla hərbi qulluqçuya hücum edərək xəsarət yetirib. Hərbi qulluqçuya dərhal təxirəsalınmaz tibbi yardım göstərilib, vəziyyəti qənaətbəxşdir”, - məlumatda deyilir.

DSX bildirib ki, hadisə yerinə baxış zamanı 1 ədəd bağlamada 790 qram marixuana, 105 qram heroin, 100 qram kristal formalı narkotik vasitə aşkar olunub.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  14 Oktyabr 2019
Bölmələr:  
qısa linklər:   http://mtv.re/t3csym

Ən çox baxılan