İcra nümayəndəsi: “Dünən hərbçi dəfn edilib”
Martın 28-də Bərdənin Çəmənli kəndində yerləşən “N” saylı hərbi hissədə təlim zamanı bədbəxt hadisənin baş verdiyi bildirilir.
Məlumatı Meydan TV-yə kənd sakinləri veriblər. Bildiriblər ki, Bərdə rayon, Yeni Daşkənd kənd sakini, müddətdən artıq xidmət edən 1993-cü il təvəllüdlü Hüseyn Tofiq oğlu Məmmədov tank altında qalaraq həlak olub:
“Hərbçi martın 28-də torpağa tapşırılıb”.
Meydan TV məsələyə münasibət öyrənmək üçün Bərdə Rayon İcra Hakimiyyəti başçısının Yeni Daşkənd üzrə nümayəndəsi Sabir Cahangirovla əlaqə saxlayıb. Sabir Cahangirov məlumatı təsdiqləyib:
“Bilmirəm dəqiq necə olub. Prokurorluqla dəqiqləşdirin. Ancaq belə bir hadisə baş verib. Dünən hərbçi dəfn edilib”.