Proses beynəlxalq vasitəçilərin iştirakı ilə gerçəkləşib
“Fevralın 24-dən 25-nə keçən gecə Ermənistan silahlı qüvvələrinin bütün cəbhə boyu törətdiyi irimiqyaslı təxribatların qarşısını alarkən həlak olan hərbi qulluqçuların nəşləri beynəlxalq vasitəçilərin iştirakı ilə döyüş meydanından təxliyə edilib”.
Müdafiə Nazirliyinin yaydığı məlumatda bildirilib ki, irimiqyaslı təxribatların qarşısını alarkən hərbi qulluqçular Abdullayev Aqşin İsmayıl oğlu, Nəzərov Şahlar Yaşar oğlu, Haşımlı Tural Əbdül oğlu, Qədimov Zülfü Rəhim oğlu və Cəfərov Zakir Nazim oğlu şəhid olub.
