Həlak olmuş əsgərin xatirəsinə həsr olunan tamaşa onlayn nümayiş ediləcək

Müəlliflər: Meydan TV

Tarix: 14 Yanvar 2021

Tamaşa 20 Yanvar faciəsi günü göstəriləcək

Gənc Tamaşaçılar Teatrında Xalq artisti Vaqif Əsədovun rejissoru olduğu “Yarımçıq qalmış” tamaşa nümayiş olunacaq.

Yevda Abramov və Leyla Bəyimin “Yarımçıq qalmış” (“Xəyalpərvər oğlan”) əsəri əsasında hazırlanan eyniadlı tamaşa 2016-cı ilin Aprel döyüşləri zamanı həlak olan, ölümündən sonra “İgidliyə görə” medalı ilə təltif edilmiş Azərbaycan Dövlət Rəssamlıq Akademiyasının heykəltaraşlıq fakültəsinin məzunu Samir Kaçayevin xatirəsinə həsr olunub.

Tamaşanın quruluşçu rəssamı Elşən Sərxanoğlu, rejissoru Gülnar Hacıyeva, plastik səhnələrin rejissoru Pərviz Məmmədrzayev, musiqi tərtibatçısı Ramiq Nəsirov, rejissor assistenti isə Sevda Hacışəmiyevadır.

Səhnə əsəri 20 Yanvar faciəsinin 31-ci ildönümü münasibətilə saat 18:00-da onlayn nümayiş olunacaq.

“Yarımçıq qalmış” tamaşa

Mənbə: Meydan TV

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN

Müəlliflər: Meydan TV

Tarix: 14 Yanvar 2021

Bölmələr: