Jurnalistin apelyasiya şikayəti təmin olunmadı
Hakim Faiq Qasımovun sədrliyi ilə keçirilən prosesdə apelyasiya şikayəti təmin olunmayıb.
Bu barədə Əfqan Muxtarlının vəkili Elçin Sadıqov məlumat yayıb.
Vəkil bildirib ki, iyunun 22-də jurnalistin şəkərini yoxlayıblar:
“Həkim onun şəkərinin çox yüksək və təhlükəli həddə olduğunu deyib. Ürək həkimi ona dərman yazsa da, həbsxana rəhbərliyi dərmanları ona verməyib”.
Jurnalist Əfqan Muxtarlı
mayın 29-u
saxlanıb. O, Gürcüstandan zorla Azərbaycana gətirildiyini deyir. Jurnalist Cinayət Məcəlləsinin 315.2-ci maddəsi ilə hakimiyyət nümayəndəsinə müqavimət və ya zor tətbiq etmədə ittiham olunur.
Bundan başqa, ona 318.1, 206.1 maddələr ilə – sərhədi qanunsuz keçmə və qaçaqmalçılığa görə də ittiham irəli sürülüb. Məhkəmənin qərarı ilə ona da ilkin istintaq dövründə 3 aylıq həbs cəzası verilib. Ə.Muxtarlı saxlanarkən işgəncələrə məruz qaldığını və sərhəddə gətirilərək cibinə 10 min avro pul qoyulduğunu deyir.
