Bu gün, noyabrın 24-də siyasi məhbus kimi tanınan Elman Şeydayevin 6 saylı Cəzaçəkmə Müəssisəsində aclıq aksiyasına başladığı bildirilir.
Bu barədə hüquq müdafiəçisi Arzu Abdulla Meydan TV-yə məlumat verib.
Arzu Abdulla deyir ki, Elman Şeydayev 6 inanclı qadının həbsinə etiraz olaraq ağzını tikərək aclıq aksiyasına başlayıb.
Həmin qadınlar – 38 yaşlı Nigar Bağırova, 41 yaşlı Aytən İbrahimova, 44 yaşlı Şəhla Fərəcova, 50 yaşlı Xoşqədəm Quliyeva, 31 yaşlı Şərqiyyə Sadıqova və 52 yaşlı Arzu Hüseynova avqustun 17-də Xəzər rayonu ərazisində ehsan payladıqdan sonra həbs olunub. Onlar dini ayinlər və mərasimlər adı altında aksiyalar keçirməkdə təqsirləndirilirlər. Noyabrın 8-də Xəzər Rayon Məhkəməsinin qərarı ilə onlar haqda verilmiş həbs qətimkan tədbirinin müddəti uzadıldığı üçün Şərqiyyə Hüseynova, Şəhla Fərəcova, Nigar Bağırova, Aytən İbrahimova aclıq aksiyasına başlamışdılar.
Elman Şeydayev 2022-ci ilin fevralında narkotik ittihamı ilə saxlanılıb.
Bakı Ağır Cinayətlər Məhkəməsində hakim Rahib Salmanovun sədrliyi ilə keçirilən prosesdə 7 il müddətinə azadlıqdan məhrum edilib.
