21 iyun 2019 Tbilisidə etiraz aksiyasından görüntü

Mənbə: Reuters

Başlıq: 21 iyun 2019 Tbilisidə etiraz aksiyasından görüntü

Gürcüstanda etirazçılara zorakılıq edən polislər cəzalandırılıb

10 polis işdən çıxarılıb, 2 nəfər cinayət məsuliyyətinə cəlb edilib

İyunun 20-də Gürcüstan parlamenti qarşısında baş verən qarşıdurmadan sonra hökumət etirazçıların tələblərinə reaksiya verib.

İyunun 24-də etirazçılara qarşı zorakılığa yol verən polislər cəzalandırılıb.

Bu barədə jurnalistlərə açıqlama verən ölkənin Daxili İşlər Nazirliyinin rəsmisi Mamuka Çelidze 10 polisin orqandan çıxarıldığını deyib:

“2 polis əməkdaşı isə cinayət məsuliyyətinə cəlb olunub və müvafiq materiallar Baş Prokurorluğa göndəriləcək”.

Ölkənin hakim Gürcü Arzusu Partiyasının sədri Bidzina İvanişvili isə bildirib ki, gələn il keçiriləcək parlament seçkilərində proporsional seçki sistemi bərpa olunacaq:

“Seçkilərin sıfır seçki baryeri şəraitində keçiriləcək”.

İyunun 20-də Parlamentlərarası Pravoslav Assambleyasının (PPA) Tbilisidə keçirilən 26-cı Baş Assambleyası zamanı assambleyanın sədri, Rusiya Federasiyasının deputatı Sergey Qavrilov Gürcüstan parlamenti spikerinin kürsüsündən nitq söyləyib. Bu zaman qalmaqal yaranıb, Gürcüstan parlamentinin müxalifətçi üzvləri toplantını pozublar. “Gürcüstan Arzusu” Partiyası da toplantıya sədrliyin rusiyalı deputatlara yox, qurumun yunanıstanlı Baş katibinə həvalə olunmasını tələb ediblər.

Bundan sonra Gürcüstan parlamentinin qarşısında onminlərlə insan etiraz aksiyası keçirməyə başlayıb. Rusiyalı deputatların etirazlar başladıqdan sonra Gürcüstanı tərk ediblər.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/vaqc5j

Ən çox baxılan