Gürcüstanda azərbaycanlı icra başçısı saxlanılıb

Teymur Abazov

Teymur Abazov

İcra başçısı ləyaqəti alçaldan rəftarda ittiham olunur

Gürcüstanın Marneuli rayonunun İcra Hakimiyyəti başçısı Temur Abazov prokurorluğa çağırılaraq, saxlanılıb.
“APA” agentliyinin məlumatına görə, Gürcüstanın Baş prokurorluğu xəbəri təsdiqləyib.

Ona qarşı Gürcüstan Cinayət Məcəlləsinin 144-cü maddəsinin “e” (Qeyri-insani və ləyaqəti alçaldan rəftar) bəndi üzrə iş aparılır.

Həmin maddə üzrə məcəllədə 6 ilə qədər həbs cəzası nəzərdə tutulub.

Saxlanılmaya səbəb, T.Abazovun yer aldığı iddia olunan və “Facebook” sosial şəbəkəsində yayılmış video-görüntüdür.

İyunun 11-də Tbilisidə etiraz aksiyasında Marneuli sakini, müxalif Vahid Milli Hərəkat partiyasının üzvü Elçin Allahverdiyev adlı şəxs “Facebook” üzərindən canlı yayım edərək T.Abazov və “Gürcü Arzusu” partiyasının sədri Bidzina İvanişviliyə təhqiramiz ifadələr işlədib. Daha sonra E.Allahverdiyevin alçaldılaraq, üzr istədiyi video-görüntü sosial şəbəkədə yayılıb. Video-görüntüdə T.Abazovun da olduğu iddia olunur.

Video qısa zaman ərzində sosial şəbəkədə geniş yayılıb və istifadəçilərin hiddətinə səbəb olub.

T.Abazov öz növbəsində video-görüntülərdən xəbəri olmadığını bildirib.

E.Allahverdiyev məsələ ilə bağlı artıq Marneuli polis bölməsində dindirilib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/kejuoz

Ən çox baxılan