Mənbə: Meydan TV

Günel Mövludun “Düşərgə” romanı işıq üzü gördü

“Düşərgə” adlı roman-bioqrafiyada Günel Mövlud Qarabağ müharibəsi nəticəsində beş il yaşamağa məcbur olduğu çadır- düşərgə həyatını qələmə alıb. Romanda torpaqlarından, evindən, vərdiş etdiyi həyat tərzindən uzaq düşmüş, sahib olduğu hər şeyi itirmiş onlarla insanın taleyi, belə çətin vəziyyətdə yaranan iyerarxiya atmosferi, imtiyazlı fərdlərin qoyduğu qanunlar, ekstremal şəraitin yaratdığı hadisələr, münasibətlər öz əksini tapıb.

Romanın əsas xətti – müharibənin, qaçqınlığın insanların həyatına gətirdiyi səfalət, fiziki əzablar və xəstəliklərlə yanaşı, insanın mənəvi deqradasiyasının qaçılmaz olduğu labüdlüyüdür.

Əsərdə darmadağın olmuş xeyli insan taleyi var. Müharibədən, insanların əlacsızlığından istifadə edənlər, düşərgədə oğlan uşaqlarının zorlanması, qadınların aldığı pambıq pullarını kişilərin aparıb fahişələrə xərcləməsi, qızların menstruasiya günlərində yaşadığı zülümlər, az sayda kitab oxuyan adamlara edilən lağlağılar, düşərgədə nəzarətsiz qalmış, çadırında kişi olmayan qadınların zorlanması, qaçqınlara nümayəndə seçilənlərin özbaşınalıqlarının təsvirləri yer alıb.

“Düşərgə” romanı müəllifin işıq üzü gorən ilk nəsr əsəri olsa da, yazılma xronologiyasına görə ikinci romanıdır. G. Mövludun bir il əvvəl qələmə aldığı “Qorxu” adlı romanı hazırda Norveç nəşriyyatlarının birinin sifarişi ilə norveç dilinə çevrilməkdədir və payızda dərc edilməsi planlaşdırılır.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/iovio8

Ən çox baxılan