Mənbə: meydan.tv

Gənclər aksiya keçirib, saxlanılanlar var

Gənclər aksiya keçirib, saxlanılanlar var

Saxlanılan gənclər naməlum istiqamətə aparılıb

Oktyabrın 13-də bir qrup ictimai fəal Yeni Azərbaycan Partiyasınının (YAP) Sahil bağı yaxınlığındakı keçmiş baş qərargahının qarşısında etiraz aksiyası keçirməyə cəhd edib.

Məqsəd son günlər baş verən siyasi həbslərə etiraz etmək olub. Eyni zamanda, onlar Respublika Gününün adının dəyişdirilməsinə də etiraz ediblər. Əraziyə toplanan gənclər “Rədd olsun irtica” şüarı səsləndirib. Polis aksiya cəhdinin qarşısını alıb. Aksiya iştirakçıları saxlanılaraq naməlum istiqamətə aparılıb.

Saxlanılanlar arasında Rüstəm İsmayılbəyli, Elmir Abbasov, Əhməd Məmmədli, Samir Axundzadə, Əli Mahmudlu və Fərid İmanov var.

Daxili İşlər Nazirliyinin (DİN) Mətbuat xidmətinin Kütləvi informasiya vasitələri və ictimaiyyətlə əlaqələr şöbəsinin rəisi Elşad Hacıyev “Turan” İnformasiya Agentliyinə aksiya zamanı heç kimin saxlanılmadığını bildirib. Deyib ki, toplaşanlar sadəcə ərazidən uzaqlaşdırılıblar.

Oktyabrın 11-də Milli Məclisdə “Müstəqillik Günü haqqında” qanun layihəsini ikinci oxunuşda qəbul edib.

Layihədə Respublika Gününün (28 May) adının dəyişdirilərək Müstəqillik Günü, Dövlət Müstəqilliyi Gününün (18 Oktyabr) isə Müstəqilliyin Bərpası Günü elan edilməsi təklif olunurdu.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/h47w6e

Ən çox baxılan