Saxlanılan şəxslər icra başçısına sui-qəsddə günahlandırılırlar
Gəncə şəhərində baş verən hadisələrdə günahlandırılan daha iki nəfər saxlanılıb.
Daxili İşlər Nazirliyindən APA-ya verilən məlumata görə, həyata keçirilmiş əməliyyat-istintaq tədbirləri nəticəsində 2018-ci il iyulun 3-də Gəncə şəhər İcra Hakimiyyəti başçısı Elmar Vəliyevə qarşı törədilən sui-qəsddə iştirakda təqsirləndirilən Əliyev Akif İsmayıl oğlu həbs edilib.
Akif İsmayıl oğlu Əliyev – 1966-cı ildə anadan olub, Azərbaycan Respublikasının vətəndaşıdır.
Bundan başqa, 2018-ci il iyulun 10-da Gəncə şəhərində baş vermiş cinayət hadisəsinin aktiv iştirakçıları hesab edilən Əliyev Seymur Ceyhun oğlu və Rüstəmov Elman İlham oğlu da həbs edilib. Əliyev Seymur Ceyhun oğlu – 18.01.1993-cü ildə Gəncə şəhərində anadan olub, Azərbaycan Respublikasının vətəndaşıdır.
Gəncə hadisələrində iştirakda şübhəli bilinən 4 şəxs Azərbaycan-Rusiya sərhəddini Qusar rayonu ərazisindən, 1 nəfər isə Azərbaycan-Gürcüstan sərhəddinin Qazax rayonu ərazisindən keçmək istərkən saxlanılıb.
İyulun 3-də
Gəncə Şəhər İcra Hakimiyyəti başçısı Elmar Vəliyevə qarşı sui-qəsd törədilib.
Hadisədə əslən gəncəli olan Rusiya vətəndaşı Yunis Səfərov təqsirli bilinir.
İyulun 10-da isə Gəncə şəhərində aksiya keçirilib və həmin vax tiki polis zabiti qətlə yetirilib.
