”Şəhriyar Abbaslı səhər tezdəndən evindən götürülərək ”Bandotdel”ə aparılıb”
“İmam Zaman Heyəti” fəalı, gənc dindar Şəhriyar Abbaslının Baş Mütəşəkkil Cinayətkarlıqla Mübarizə İdarəsinə apardığı bildirilir.
Meydan TV-yə məlumatı onun yaxınları verib. Bildiriblər ki, o, “Müsəlman Birliyi Hərəkatı”-na tez tez gedirmiş, saxlanmasına səbəb bu ola bilər:
“Şəhriyar Abbaslı səhər tezdəndən evindən götürülərək “Bandotdel”ə aparılıb. Hələ ki, ondan bir xəbər ala bilməmişik”.
Meydan TV məsələyə münasibət öyrənmək üçün Baş Mütəşəkkil Cinayətkarlıqla Mübarizə İdarəsi ilə əlaqə saxlayıb. İdarədən bu məsələlərə Daxili İşlər Nazirliyinin baxdığını söyləyiblər:
“Onlarla əlaqə saxlayın, məlumatı onlardan alın”.
Daxili İşlər Nazirliyindən isə məsələyə münasibət bildirmək istəmədilər.
