Mənbə: Meydan TV

“Freedom House”: Tofiq Yaqubluya qarşı ittihamlar geri götürülməlidir

Məqalə yeniləndi:  4 Sentyabr 2020

Təşkilat müxalif fəalın həbsi ilə bağlı bəyanat yayıb

“Freedom House” beynəlxalq insan haqları müdafiə təşkilatı 4.3 il azadlıqdan məhrum edilən Tofiq Yaqubluya qarşı ittihamların götürülməsini istəyir.

Bu barədə “Freedom House”un Avropa və Avrasiya üzrə proqram direktor Mark Berendtin yaydığı bəyanatda bildirilib.

“Turan” İA Mark Berendtin açıqlamasını sentyabrın 4-də yayıb.

Qeyd olunub ki, Tofiq Yaqublunun və siyasi motivli ittihamlarla həbs olunan digər onlarla vətəndaş sərbəst buraxılmalı və onlara qarşı ittihamlar ləğv edilməlidir.

“Freedom House” hesab edir ki, Tofiq Yaqublunun işi hökumət tənqidçilərinə qarşı gücləndirilmiş bir təzyiqin və hakimiyyətin söz azadlığına, qanunun aliliyinə açıq şəkildə məhəl qoymadığının göstəricisidir.

Mark Berendt

Mark Berendt

Mənbə: https://helsinki.org.ua/

“Azərbaycan hakimiyyəti COVİD-19 pandemiyasından və bununla əlaqəli məhdudiyyətlərdən müxalifləri susdurmaq və təqib etmək üçün bir fürsət kimi açıq şəkildə istifadə edir. Yaqublu və siyasi motivli ittihamlarla həbs olunan digər onlarla vətəndaş sərbəst buraxılmalı və onlara qarşı ittihamlar ləğv edilməlidir”- deyə “Freedom House”un Avropa və Avrasiya üzrə proqram direktor Mark Berendt bildirib.

Onun açıqlamasında Azərbaycan “Qeyri-azad ölkə” reytinqinə malikdir və möhkəmlənmiş avtoritar rejim kimi təsnif edilir.

Sentyabrın 3-də "Human Rights Watch" və "Amnesty International" təşkilatları da Tofiq Yaqublunun azadlıqlan məhrum edilməsi haqqında bəyanat yayıblar.

Sentyabrın 3-də Nizami Rayon Məhkəməsində siyasi fəal Tofiq Yaqublunun işi ilə bağlı məhkəmə prosesi başa çatıb.

Məhkəmədə Müsavat Partiyasının və Milli Şuranın üzvü Tofiq Yaqubluya hökm oxunub.

Tofiq Yaqublu 3-cü gündür “ölüm aclığı” keçirir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  4 Sentyabr 2020
Bölmələr:  
qısa linklər:   http://mtv.re/jlf5hk

Ən çox baxılan