Fransada yaşayan blogerin atasını buraxıblar, amma...

Məhəmməd Mirzəli

Məhəmməd Mirzəli

''Polis bacımın yoldaşını girov götürüb''

Fransada yaşayan video-bloger Məhəmməd Mirzəlinin atası yanvarın 13-də axşam saatlarında sərbəst buraxılıb. Ancaq bunun qarşılığında onun bacısının həyat yoldaşı Elman Ağayev özünü Göyçay Rayon Polis Şöbəsinə təhvil verib.

Bu barədə Məhəmməd Mirzəli Meydan TV-yə danışıb.

M.Mirzəli valideynlərinin ondan imtina etdiyini deyir:

“Əslində, polis bacımın yoldaşını girov götürüb. Bacımın yoldaşına deyiblər ki, hökumətə qarşı statuslarını silsin və üzr istəsin. Əks təqdirdə, bacımın yoldaşı narkotik ittihamı ilə 5 il azadlıqdan məhrum ediləcək. Atam mənimlə danışmaq istəmədi, deyir ki, sakit dayan, yoxsa Elmanı həbs edəcəklər. Bacımın yoldaşı işğal olunmuş Laçın rayonundan məcburi köçkündür”.

 Məhəmməd Mirzəli bildirib ki, o, geri addım atmayacaq:

“Fevralın 2-də Strastburqda Avropa Şurasının qarşısında aksiyada iştirak edəcəm və ailəmə qarşı qəddar təzyiqi ictimailəşdirəcəm”.

Yanvarın 13-də Fransada yaşayan azərbaycanlı video-bloger Məhəmməd Mirzəlinin atası Fazil Mirzəliyevi polis saxlayıb.

Bu barədə Meydan TV-yə Məhəmməd Mirzəli özü məlumat verib.

Bildirib ki, yanvarın 13-də səhər saatlarında ona zəng edib, atasını həbs etdiklərini söyləyiblər:

“Atamla polis maşınında aparılarkən danışdım. Dedi: “Sən nə isə paylaşmısan, ona görədir”. Mən də ən son “ac çaqqalların əlinə düşmüş xalqım”, - başlıqlı karikatura paylaşmışam. Ona görə ola bilər. Deyir, əgər həmin paylaşımlar silinməsə, bacılarımı, anamı, yeznəmi də tutub polisə aparacaqlar. Mən həmin paylaşımları silmək niyyətində deyiləm”.

 

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/jy3mpp

Ən çox baxılan