”Lantset” klinikasının təsisçisinə bu gün rəsmi ittiham irəli sürüləcək
Mayın 22-də “Lantset” klinikasının təsisçilərindən Fərman Ceyranlı həbs edilib.
Məlumatı Gürcüstanın İctimai Televizyasına istinadən
“marneulifm.ge”
saytı yayıb.
Bildirilir ki, Fərman Ceyranlı Gürcüstan Cinayət Məcəlləsinin 180-ci maddəsi (dələduzluq) ilə günahlandırılır.
Cinayət işində iki nəfərin adı keçir. Onların yaxınları “Lantset” klinikasındakı uğursuz ciyər transplantasiyası əməliyyatlarından sonra həyatını itirib.
Hüquq-mühafizə orqanlarından verilən məlumata görə, klinikada icazəsiz əməliyyatlar keçirilib və nəticədə “Lantset” klinikasının lisenziyası dayandırılıb.
Fərman Ceyranlıya rəsmi ittiham mayın 23-də irəli sürüləcək. Hazırda o, Baş Polis İdarəsinin müvəqqəti təcridxanasındadır.
