Ölümə səbəb infarkt olub
Azərbaycanda rus dilində nəşr edilən “Exo” qəzetinin başa redaktoru Rauf Talışınski mayın 8-də infarktdan vəfat edib.
Bu barədə qəzetin əməkdaşları məlumat veriblər.
Rauf Talışinski 16 noyabr 1956-cı ildə anadan olub. O, 1978-ci ildə Moskva Dövlət Universitetinin jurnalistika fakültəsini bitirib.
“Molodyoj Azerbaydjana”, “Vışka” və “İzvestiya” qəzetlərində çalışıb. 1990-cı ildən “Ayna”/ “Zerkalo” qəzetinin yaradıcısı və rəhbərlərindən biri olub. 27 yanvar 2001-ci ildən “Exo” qəzetini təsis edib və onun baş redaktoru idi.
