Daşkəsəndə hərbi xidmətdə olan əsgər Fuad Habil oğlu Şirəliyevin qar uçqunu nəticəsində həlak olduğu bildirilir. Bu barədə Meydan TV-yə əsgərin yaxınları məlumat verib.
1999-cu il təvəllüdlü Fuad Şirəliyev dekabrın 28-də doğulduğu Kürdəmir rayonunda torpağa tapşırılıb. Faktı Meydan TV-yə əsgərin qonşuları da təsdiqləyib. İş gününün sonu olduğundan Müdafiə Nazirliyindən, eləcə də Kürdəmir Rayon İcra Hakimiyyətindən münasibət öyrənmək mümkün olmayıb.
