Kollektiv Təhlükəsizlik Müqaviləsi Təşkilatı (KTMT) Yerevanın maliyyələşdirməni dayandırmaq qərarından xəbərdardır.
Bu barədə SİTA agentliyinə KTMT-dən deyiblər:
“Lakin Ermənistan təşkilatın üzvü olaraq qalır”.
Yerevan büdcə ilə bağlı qərarın məhdud tərkibdə qəbul edilməsini istəyir
Ermənistan Kollektiv Təhlükəsizlik Müqaviləsi Təşkilatının (KTMT) 23 noyabr 2023-cü il tarixli “KTMT-nin 2024-cü il büdcəsi haqqında” qərarında nəzərdə tutulmuş fəaliyyətini maliyyələşdirməyəcək.
Bu barədə Ermənistan Xarici İşlər Nazirliyinin mətbuat katibi Ani Badalyan bildirib.
O qeyd edib ki, Ermənistan KTMT-nin 2024-cü il büdcəsinə dair qərarın məhdud tərkibdə qəbul edilməsinə etiraz etmir.
2022-ci ilin noyabrında Yerevanda keçirilən KTMT sammitində Baş nazir Nikol Paşinyan təşkilatın Kollektiv Təhlükəsizlik Şurasının Ermənistana yardım göstərilməsi üzrə birgə tədbirlər haqqında qərar layihəsini imzalamayıb.
Fevralın 23-də Ermənistanın Baş naziri Nikol Paşinyan bildirmişdi ki, ölkəsinin Kollektiv Təhlükəsizlik Müqaviləsi Təşkilatında (KTMT) iştirakı “dondurulub”.
Ermənistan bundan əvvəl dekabrın 19-da KTMT parlamentinin iclasında iştirakdan imtina edib.
Yanvarın 8-də Ermənistan Təhlükəsizlik Şurasının rəhbəri Armen Qriqoryan KTMT-dən heç bir gözləntinin olmadığını bildirib.
