“Kimsə torpağımızı təhdid edərsə, biz lazım olanı edəcəyik”
“Türkiyə Suriyanın şimal-qərb əyaləti İdlibə hərbi əməliyyat başlada bilər”, Prezident Rəcəb Tayyib Ərdoğan cümə günü Rusiyanın dəstəklədiyi Suriya hökumət qüvvələrinin hücumlarının yeni qaçqın dalğası riskinə səbəb olduğunu qeyd edərkən bildirib.
Rusiya hava qüvvələri tərəfindən dəstəklənən Bəşər Əsəd qüvvələri ötən həftədən etibarən İdlibə doğru sürətlə irəliləyib. Suriyanın təxminən doqquz illik müharibəsindən geriyə qalan üsyançıların son böyük qalası olaraq tanınan şəhər Maarat əl-Numan da daxil olmaqla hökumət qüvvələri onlarla şəhəri ələ keçirib.
Son kampaniya həm də münaqişə tərəflərini dəstəkləyən Ankara və Moskva arasındakı gərginliyi artırıb. Türkiyəni İdlibdən gələcək miqrantların yeni dalğası narahat edir. Ankaranın bölgədə 12 müşahidə postu var. Ərdoğan 2018-ci ildə imzalanmış de-eskalasiya sazişinin Rusiya tərəfindən pozulduğunu iddia edir.
Ankarada danışan Ərdoğan Türkiyənin yeni bir miqrant axınına tab gətirə bilməyəcəyini dəfələrlə təkrarlayıb və deyib ki, Ankara Suriyanın şimalında bundan öncə həyata keçirdiyi üç transsərhəd əməliyyat kimi hərbi gücə müraciət edəcək. O qeyd edib ki, ölkə sərhədləri yaxınlığında yeni təhlükəyə yol verilməsinə Ankara icazə verməyəcəkdir.
“Kimsə torpağımızı təhdid edərsə, biz lazım olanı edəcəyik. İdlibdəki vəziyyət tez bir şəraitdə normala dönməzsə, yenidən eyni yola əl atmaqdan başqa çarəmiz qalmayacaq”,- Ərdoğan vurğulayıb.
O, oktyabr ayında Ankaranın terror qruplaşması adlandırdığı Suriya Kürd YPG silahlılarını hədəf aldığı Suriyanın şimal-şərqində başqa tutmuş əməliyyat seçimi ilə bağlı ehtimalları açıq buraxıb.
“Hərbi qüvvə də daxil olmaqla lazım olanı etməkdən çəkinməyəcəyik”,- o deyib.
Cümə günü Kreml bildirib ki, Rusiya İdlibdəki öhdəliklərinə sadiq qalıb.
Əsədi devirmək üçün döyüşən üsyançılara dəstək verən Türkiyə hazırda 3,6 milyondan çox suriyalı qaçqına ev sahibliyi edir. İran, Rusiya münaqişənin siyasi həllini axtardıqlarını bildirsə də, Ərdoğan dəfələrlə Əsədin istefasını tələb edib.
“Rejimin xalqına əzab vermək, hücum etmək, qan tökməklə ölkəmizi miqrantların davamlı təhdidi altına salmasına imkan verməyəcəyik”, – Ərdoğan bildirib.
