Məhkəmə qərarı istintaqın təqdimatı əsasında qəbul edib
Aprelin 16-da Səbayel Rayon Məhkəməsi Qafqaz Müsəlmanları İdarəsinin keçmiş sektor müdiri Elşən Mustafayevin həbs müddətini daha 4 ay uzadıb.
Vəkil Əfqan Məmmədovun “Turan”-a verdiyi məlumata görə, məhkəmə qərarı istintaqın təqdimatı əsasında qəbul edilib.
E.Mustafayev 2014-cü il dekabrın 16-da Milli Təhlükəsizlik Nazirliyinin əməkdaşları tərəfindən həbs olunub. O, CM-in 274-cü (dövlətə xəyanət) maddəsi ilə ittiham olunur.
Qeyri-rəsmi məlumatlara görə, söhbət İranın xeyrinə casusluqdan gedir. Lakin hələlik buna sübut yoxdur.
