Akif Əlizadə

Mənbə: Foto: Meydan tv

Başlıq: Akif Əlizadə

Elmlər Akademiyasının prezidenti istefa verib

Bu gün AMEA-da yeni prezident seçkiləri planlaşdırılır

Azərbaycan Milli Elmlər Akademiyasının (AMEA) prezidenti Akif Əlizadə oktyabrın 23-də istefa verib.

Bu barədə Meydan TV-yə AMEA-nın mətbuat xidmətindən məlumat veriblər.

Bildirilib ki, bu gün AMEA-ya yeni prezident seçiləcək. Ancaq namizədlərin kimliyi məlum deyil.

Akif Əlizadə 1934-cü ildə tanınmış Azərbaycan həkimləri Ağamehdi və Əfşan xanım Əlizadələr ailəsində anadan olub.

Orta məktəbi gümüş medalla bitirən A.Əlizadə Azərbaycan Sənaye İnstitutuna daxil olub. 1957-ci ildə Azərbaycan Milli Elmlər Akademiyasının Geologiya İnstitutuna işə qəbul edilib.

Akif Əlizadə 2013-cü ildən AMEA-nın prezidentidir.

O, əməkdar elm xadimi, Azərbaycan Dövlət Mükafatı Laureatı, Azərbaycan Geoloqlarının Milli Komitəsinin prezidenti; Qafqaz regional idarələrarası stratiqrafik komissiyanın sədri; Prezident yanında Elmin İnkişafı Fondunun və Dövlət Neft Şirkətinin Elm Fondunun himayədarlar şurasının üzvü; Prezident yanında Bilik Fondunun Himayəçilik Şurasının sədridir.

Akif Əlizadə 2013-cü ildə Yeni Azərbaycan Partiyasının (YAP) sədr müavini və İdarə Heyətinin üzvü seçilib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/c6g4dl

Ən çox baxılan