Ruslan Əmirov

Mənbə: Ruslan Əmirovun şəxsi arxivindən

Başlıq: Ruslan Əmirov

Əli Kəriminin mühafizəçisinə hökm oxundu

Məqalə yeniləndi:  17 İyun 2021

Ruslan Əmirova 4 il şərti cəza verilib

İyunun 17-də Azərbaycan Xalq Cəbhəsi Partiyasının (AXCP) sədri Əli Kərimlinin ictimai əsaslarla mühafizəçisi, partiya üzvü Ruslan Əmirova hökm oxunub.

O, 2020-ci ilin iyulunda Qarabağa və Azərbaycan Ordusuna dəstək yürüşünə görə məhkum edilib.

2021-ci il iyulun 17-də Səbail Rayon Məhkəməsində onun barəsində hökm çıxarılıb.

Hakim Azər Tağıyevin sədrliyilə çıxarılan hökmə əsasən, Ruslan Əmirov Cinayət Məcəlləsinin 186 (özgə əmlakına ziyan vurma), 315 (hakimiyyət nümayəndəsinə zor tətbiq etmə) və başqa maddələrilə təqsirli bilinib. AXCP fəalı yürüş zamanı bir qrup şəxsin Milli Məclisin binasına daxil olması, maşınların aşırılması kimi olaylarda təqsirli bilinib.

Məhkəmə prosesində öncə prokuror çıxış edib və Ruslan Əmirova 4 il 6 ay şərti cəza verilməsini tələb edib.

Daha sonra müdafiə nitqilə çıxış edən vəkil Bəhruz Bayramov müvəkkilinə qarşı ittihamları sübut edən heç bir faktın olmadığını deyib və bəraət istəyib.

Ruslan Əmirov da təqsirsiz olduğunu, siyasi motivlərlə cinayət məsuliyyətinə cəlb edildiyini vurğulayıb.

O da bəraət hökmü çıxarılmasını istəyib.

Qısa müşavirədən sonra hakim hökmü elan edib.

Hökmə əsasən, ona 3 il 6 ay sınaq müddəti olmaqla, 4 il şərti cəza verilib.

Ruslan Əmirov hökmdən apelyasiya şikayəti verəcəyini bildirib: "Bu ittiham qondarmadır. Mən həmin gün Ordumuza dəstək verməyə gedən 30 min adamdan biri olmuşam. Hökmlə bağlı bircə cümlə deyəcəyəm: tək səbəb Azərbaycan Xalq Cəbhəsi Partiyasında - Əli Kərimlinin yanında olmağımdır..."

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  17 İyun 2021
Bölmələr:  
qısa linklər:   http://mtv.re/wrrklb

Ən çox baxılan