Sona Vəliyeva və Əli Həsənov

Mənbə: Foto: Meydan tv

Başlıq: Sona Vəliyeva və Əli Həsənov

Əli Həsənovun xanımının tutdurduğu mühasiblər həbsdən buraxıldı

Liseyin nümayəndəsi təqsirləndirilənlərə yüngül cəza verilməsinə etiraz edib

Prezidentin kِöməkçisi Əli Həsənovun həyat yoldaşı Sona Vəliyevanın təsisçisi olduğu “Kaspi” liseyinin Bakıxanov filialından 564 min manat mənimsəmədə ittiham olunan iki nəfərə hökm oxunub. Bakı Ağır Cinayətlər Məhkəməsində hakim Azər Paşayevin sədrliyilə çıxarılan hökmə əsasən, liseyin keçmiş baş mühasibi Tural Məmmədov və mühasib Fərahim Möhbalıyev həbsdən buraxılıb. Onlara üç il sınaq müddəti təyin edilməklə, 5 il şərti cəza verilib.

Hökmdən əvvəl liseyin nümayəndəsi çıxışında T.Məmmədov və F.Möhbalıyevə yüngül cəza verilməsinə etiraz edib. O bildirib ki, prokurorun bu şərti cəza təklifilə razılaşmırlar.

Təqsirləndirilən şəxslərdən T.Məmmədov özünü qismən təqsirli bilir, kassadakı pullardan 300 mindən bir qədər artıq vəsait götürüb iş qurmağa sərf etdiyini, bu məbləğin də xeyli hissəsinin qaytarıldığını deyir. Onun sözlərinə görə, S.Vəliyeva məbləği şişirdərək, 565 min manat göstərib.

F.Möhbalıyev isə özünü təqsirli bilmir. T.Məmmədov da onun günahsız olduğunu deyir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/vmec2c

Ən çox baxılan