Mənbə: Meydan TV

"Əgər qohumlarım, anam arxamda dayansaydı, mən bu hala gəlib çıxmazdım"

Məqalə yeniləndi:  3 Fevral 2021

"Əgər qohumlarım, anam arxamda dayansaydı mən bu hala gəlib çıxmazdım".

2019-cu ildə Azərbaycanda məişət zorakılığı ilə bağlı 1380 cinayət törədilib. Bu barədə Ailə, Qadın və Uşaq Problemləri üzrə Dövlət Komitəsi verdiyi hesabatda bildirib. Hesabatda qeyd olunub ki, zərərçəkmişlərin 1038-i qadın, 12-si yetkinlik yaşına çatmayan qızdır.

Gender aktivisti Gülnara Mehdiyeva hesab edir ki, baş verən cinayətlərin kökündə patriarxat və bərabərsizlik durur.

"Əslində həmin rəqəmlər sadəcə polisə gedib çıxa bilmiş qadınlara aid statistikadır. Reallıq odur ki, vəziyyət daha ağırdır." - Gülnara Mehdiyeva deyib. O deyir ki, məişət zorakılığına məruz qalmış qadınlar zorakılıqdan xilas olmağa çalışarkən cəmiyyət tərəfindən qınaqla üzləşir: "Azərbaycan kimi ölkələrdə qadının öz ərindən polisə şikayət etməyi tabu hesab olunur".

Səidə Məmmədova (ad şərtidir) 3 uşaq anasıdır. Məişət zorakılığına məruz qaldığı üçün sığınacağa üz tutub. Deyir ki, yoldaşı ilə nikahı olmayıb, dəfələrlə nikah bağlamağı istəsə də, yoldaşı bundan imtina edib. Əvəzindən şiddətə məruz qalıb.

"Əgər qohumlarım, anam arxamda dayansaydı mən bu hala gəlib çıxmazdım".

Hüquqşünas Səməd Rəhimli hesab edir ki, məişət zorakılığı təfəkkürlə bağlı məsələdir. O, dövlətin bu məsələdə öhdəliklərinin olmasına baxmayaraq, atılan addımları adekvat olmadığını düşünür.

Gülnara Mehdiyeva deyir ki, bəzən qadınlar polisə şikayət etdikdə, polis hadisəni araşdırmaq əvəzinə, münaqişə tərəflərini barışdırmağa çalışır.

Səməd Rəhimli hesab edir ki, bəzən dövlət adamları da öz ritorikalarında bu məsələyə apelyasiya etdiyini görürük. Deputat Razi Nurullayev dekabrın 30-u Milli Məclisdə etdiyi çıxışında deyib ki, məişət problemlərini gender bərabərsizliyi kimi təqdim etmək doğru deyil.

Gülnara Mehdiyeva qadının deputatın dediyi kimi kişi tərəfindən yox, qanun tərəfindən qorunmalı olduğunu deyir.

Səməd Rəhimli dövlətin bu məsələdə konkret öhdəliklərinin olduğunu bildirir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  3 Fevral 2021
Bölmələr:  
qısa linklər:   http://mtv.re/uck9w5

Ən çox baxılan