Dövlət Bahçeli istefa verdi... 1 gün sonra təkzib etdi (yenilənib)

MHP xəbəri dərhal təkzib edib. Gecə saatlarında isə D. Bahçeli yazılı açıqlama verib.

Açıqlamada deyilir: “Millətimiz koalisiya hökuməti qurmaqdan qaçan AKP-yə tək başına hökumət qurma vizası verdi. MHP isə dövlət və iqtidarın imkanlarıyla mübarizə apararaq, milli və tarixi əmanətlərə sahib çıxaraq, ən əsası bütün hiylələri pozaraq səs və millət vəkili sayı yetərli olmasa da TBMM-də təmsil olunmaq imkanı qazandı” (musavat.com).

Səbəb kimi MHP-nin bu gün Türkiyədə keçirilən təkrar parlament seçkilərində məğlubiyyəti göstərilir

Türkiyənin müxalif Milliyyətçi Hərəkat Partiyasının sədri Dövlət Bahçeli partiyanın rəhbəri vəzifəsindən istefa verib.

Trend-in məlumatına görə, buna səbəb kimi MHP-nin bu gün Türkiyədə keçirilən təkrar parlament seçkilərində məğlubiyyəti göstərilir.

İlkin nəticələrə əsasən, Ədalət və İnkişaf Partiyası (AKP) Türkiyədə keçirilən təkrar parlament seçkilərində seçici səslərinin 53,6 faizini yığıb. Cümhuriyyət Xalq Partiyası (CHP) səslərin 20 faizini, Milliyyətçi Hərəkat Partiyası (MHP) – 11, Xalqların Demokratik Partiyası (HDP) isə səslərin 11,2 faizini toplayıb.