Hərracda 1 dollar 1.7010 manat oldu
İyulun 25-i Mərkəzi Bankda Dövlət Neft Fondunun da iştirakı ilə növbəti valyuta hərracı keçirilib. Məlumatı Mərkəzi Bank yayıb.
Xəbərə görə, hərracda manatın ortaçəkili məzənnəsi 1.7010 səviyyəsində müəyyən edilib.
İyulun 25-nə olan rəsmi məzənnəyə görə, 1 dollar 1.7012 manata bərabər olmuşdu.
Son 5 ayda keçirilən hərraclarda bəzi istisnalarla manat dollara nisbətən möhkəmlənir.
Bu müddət ərzində 1 dollar 1 manat 92 qəpikdən 1 manat 70 qəpiyə düşüb.
İqtisadçı Natiq Cəfərli bu halı müvəqqəti sayır. Deyir, Azərbaycanda manatın möhkəmlənməsinin ciddi iqtisadi əsasları yoxdur. Sadəcə, məzənnə reallıqda inzibati qaydada müəyyən edilir.
