***
15.00. AMEA prezidenti Katibliyinin rəisi Eldar Əmirov 30 sutka inzibati cəza alıb.
Bu barədə Yasamal Rayon Məhkəməsində qərar elan olunub.
Xəbəri “APA” yayıb.
Bildirilir ki, Eldar Əmirov İnzibati Xətalar Məcəlləsinin 535.1-ci (Polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə) maddəsi ilə təqsirləndirilib.
***
Eldar Əmirovun “Bandotdel”də saxlanıldığı bildirilir
AMEA Prezidenti katibliyinin rəisi Eldar Əmirov saxlanılıb.
Bu barədə Daxili İşlər Nazirliyi (DİN) məlumat yayıb.
DİN-in Mətbuat xidmətinin rəisi Ehsan Zahidov Meydan TV-yə deyib ki, Eldar Əmirov Baş Mütəşəkkil Cinayətkarlıqla Mübarizə İdarəsi (“Bandotdel”) tərəfindən saxlanılıb.
DİN rəsmisi bildirib ki, Eldar Əmirov barəsində idarəyə şikayət daxil olub: “O, şikayətin araşdırılması məqsədi ilə saxlanılıb və hazırda araşdırmalar davam etdirilir”.
Eldar Əmirov 1995-2019-cu illərdə Prezident Administrasiyasının rəhbəri vəzifəsini daşıyan Ramiz Mehdiyevin köməkçisi olub.
R.Mehdiyev fevralın 14-də AMEA Prezidenti vəzifəsindən istefa verdiyini bildirib.
