Polis hadisənin baş vermə səbəblərini araşdırır
Psixoloq Dəyanət Rzayevin
ölümü ilə bağlı
cinayət işi başlanıb.
APA xəbəri Yasamal Rayon Prokurorluğuna istinadən yayıb. Məlumata görə, faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb, müvafiq ekspertizalar təyin edilib.
>Hadisənin baş vermə səbəbləri müəyyənləşdiriləcək.
46 yaşlı Dəyanət Rzayevin cəsədi yanvarın 25-də axşam saatlarında Bakının Yasamal rayonunda (Murtuza Muxtarov, 185) yerləşən evində aşkarlanıb. D.Rzayevin özünü kəmərlə boğaraq intihar etdiyi düşünülür.
Hadisədən öncə D.Rzayevin yazdığı məktubun tapıldığı bildirilir. Verilən xəbərə görə, o bu qərarda heç kimin günahlandırılmamasını istəyib.
Son aylar intihar xəbərləri artıb. Yanvarın 16-da Dəyanət Rzayev özü də bu barədə
Meydan TV-yə açıqlama vermişdi
. O, intiharların əksəriyyətinin arxasında korrupsiyanın dayandığını demişdi.
