Milli Məclis

Mənbə: Milli Məclis

Başlıq: Milli Məclis

Deputat: “Şəhid Anası” medalı təsis edilsin

Məqalə yeniləndi:  13 Aprel 2021

“Azı 2 ordenlə təltif olunan şəhidlərin adlarının əbədiləşdirilməsi mümkündür”

“Bu sahədə olan qərara əsasən, azı 2 ordenlə təltif olunan şəhidlərin adlarının əbədiləşdirilməsi mümkündür”.

Deputat Fatma Yıldırım Milli Məclisdə bu barədə danışıb.

O qeyd edib ki, mövcud qərar 1990-cı illərin əvvəllərində qəbul edilib:

“Bu qanunun təkmilləşdirilərək mövcud meyarlara yenidən baxılmasını təklif edirəm. Rayonlarda, bölgələrdə yeni məktəblər, uşaq bağçaları açılır. Bu yerlərə şəhidlərimizin adları verilə bilər. Həsrətlə gözlədiyimiz Qarabağ şəhidlərimizin qanı-canı bahasına azad edilib. Bu gün şəhid valideynlərinin əsas istəyi övladlarının adının unudulmamasıdır. Şəhid valideynləri öz övladlarının adlarının yaşadıqları ərazidə məktəblərə, küçələrə verilməsini istəyirlər, bunun üçün bizə müraciətlər olur”.

Fatma Yıldırım

Fatma Yıldırım

Mənbə: APA

Deputat Sabir Rüstəmxanlı bildirib ki, dövlət imkanı daxilində şəhid ailələrinə, qazilərə böyük güzəştlər nəzərdə tutub. Mənzillə təminat, birdəfəlik yardım, şəhidlərin büstünün qoyulması və s. bu qəbildəndir. Ancaq məncə, şəhid ailələrinə ən böyük təskinlik qələbəmizdir. Biz qələbənin möhkəmləndirilməsi üçün hələ çox iş görməliyik".

Deputat Aqil Abbas “Şəhid Anası” medalının təsis edilməsi ilə bağlı təklif verib.

Aqil Abbas

Aqil Abbas

Mənbə: Aqil Abbasın şəxsi arxivi

İclasda “Şəhid adının əbədiləşdirilməsi və şəhid ailələrinə edilən güzəştlər haqqında” Qanunda dəyişiklik edilməsi barədə qanun layihəsi II oxunuşda müzakirə edilib.

Qanun layihəsinə əsasən, Azərbaycanda şəhidlərin və şəhid ailəsi üzvlərinin reyestri yaradılacaq.

Müvafiq icra hakimiyyəti orqanının müəyyən etdiyi orqan (qurum) şəhid və şəhid ailəsi statusu almış şəxslərin vahid informasiya bazasını yaratmaq məqsədilə müvafiq icra hakimiyyəti orqanının müəyyən etdiyi orqanın (qurumun) elektron informasiya sistemində şəhid və şəhid ailəsi statusu almış şəxslərin reyestrini elektron formada aparır. Şəhid və şəhid ailəsi statusu almış şəxslərin reyestrinin aparılması qaydası müvafiq icra hakimiyyəti orqanının müəyyən etdiyi orqan (qurum) tərəfindən müəyyən ediləcək.

Bundan başqa, Azərbaycanda müharibə veteranlarının reyestri yaradılması ilə bağlı “Veteranlar haqqında” Qanuna da dəyişikllik layihəsi də II oxunuşda müzakirə edilərək təsdiqlənib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  13 Aprel 2021
Bölmələr:  
qısa linklər:   http://mtv.re/8ak7wy

Ən çox baxılan